Plantun de Prouvènço

Pèr coumpara dos planto d'encò nostre

Plantago bellardii & Trigonella esculenta

Plantago bellardii

Plantaginaceae

Nom en français : Plantain de Bellardi.

Descripcioun :
Aquéu plantage de l'an trachis dins li repiero seco sus siliço o argielo. Es uno planto de coustiero que s'aluencho raramen de la mar. Se recounèis subretout qu'èi pelu d'en pertout ; de péu pas trop noumbrous, mai long e que s'escarton bèn di cambo e di fueio. Poudèn apoundre que lis antèro an uno pouncho (fotò).

Usanço :
Emai aguèn ges d'entresigne segur, poudèn pensa que, coume tóuti li plantage, aquéu èi bessai vertuous. Emé si long péu dèu pas èstre bèn manjadis.

Port : Erbo
Taio : 3 à 12 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Plantago
Famiho : Plantaginaceae

Ordre : Lamiales

Coulour de la flour : Verdo
Petalo : 4
Ø (o loungour) enflourejado : 2 à 6 cm
Flourido : Printèms

Sòu : Si
Autour basso e auto : 0 à 1000 m
Aparado : Noun
Remarco : Planto de coustiero
Mars à jun

Liò : Tepiero seco
Estànci : Termoumediterran à Mesoumediterran
Couroulougi : Estenoumediterrano
Ref. sc. : Plantago bellardii All., 1785

Jauneto

Trigonella esculenta

Fabaceae Leguminosae

Autre noum : Jauneto(-manjadisso).

Noms en français : Trigonelle comestible, Trigonelle à petites cornes.

Descripcioun :
Aquesto jauneto pòu èstre proun coumuno dins d'ùni relarg de Prouvènço. Es uno planto de l'an que se recounèis à si enflourejado jauno de 8 à 25 flour pourtado pèr un pecou pulèu long. Si dòusso peréu soun eisa de recounèisse, soun torso de 10 à 16 mm.

Usanço :
Li grano soun manjadisso, mai avèn pas d'entresigne sus de biais de la manja au nostre. Escriéure au site se n'en sabès mai.

Port : Erbo
Taio : 10 à 60 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Trigonella
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 6 à 8 mm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun

Liò : Champ - Camin - Ermas
Estànci : Termoumediterran à Subremediterran
Couroulougi : Estenomediterrano
Ref. sc. : Trigonella esculenta Willd., 1809

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

ges

Plantago bellardii & Trigonella esculenta

ges

Coumpara Plantage(-de-Bellardi) emé uno autro planto

Coumpara Jauneto emé uno autro planto